Koha e parashikuar e leximit: 2 minuta
30 korrik 2025
Pas alarmit për cunam në Japoni, si pasojë e tërmetit 8.8 Rihter që goditi që goditi lindjen e largët të Rusisë, në Gadishullin Kamchatka, Japonia ka evakuuar centralin bërthamor të Fukushimës.
Mediat e huaja raportojnë se deri më tani nuk është raportuar për të lënduar.
Kompania e Energjisë Elektrike të Tokios tha se masa për evakuim është ndërmarrë “për të garantuar siguri absolute”.
Në deklaratën e kompanisë thuhet: “Ne kemi konfirmuar se i gjithë personeli në centralet bërthamore Fukushima Daiichi dhe Fukushima Daini është evakuuar në vende më të larta dhe nuk është raportuar për të lënduar deri në këtë orë. Ne gjithashtu kemi konfirmuar se nuk ka anomali në parametrat ose pajisjet e uzinës në të dyja uzinat. Ne do të vazhdojmë të monitorojmë nga afër informacionin për cunamin dhe çdo ndikim në termocentralet.”
Kompania thekson se monitorimi do të vazhdojë në mënyrë intensive, për të ndjekur zhvillimet lidhur me cunamin dhe çdo ndikim të mundshëm në centralet bërthamore.
Ky veprim kujton kujdesin ekstrem të autoriteteve japoneze pas tragjedisë së vitit 2011, kur një cunami i fuqishëm shkaktoi dëmtime të mëdha në centralin Fukushima Daiichi.
