Koha e parashikuar e leximit: 1 minut
10 dhjetor 2025
Prokuroria e Tiranës ka vendosur masa sigurie për pesë zyrtarë të Bashkisë Tiranë dhe tre përfaqësues të kompanive private, pas hetimeve mbi shpërdorim detyre dhe falsifikim dokumentesh.
Mes të përfshirëve janë:
- Aurel Cuko, Drejtor i Përgjithshëm i Emergjencave Civile në Bashkinë Tiranë;
- Elehana Guce, Përgjegjëse e Sektorit të Kompensimit nga Fatkeqësitë Natyrore;
- Rexhina Rakipi dhe Sokol Qehahaj, specialistë të IMT-së;
- Aleksandra Mahmutllari, Mbikëqyrëse Punimesh;
- Si dhe dy persona nga sektori privat, Shyqyri Maloku dhe Fatmir Firi.
Hetimi ka zbuluar se disa kompani të kontraktuara për punimet kanë paraqitur punime fiktive dhe dokumente të rreme, duke shkaktuar dëme financiare për buxhetin e Bashkisë. Ndërkohë, disa punonjës të IMT-së nuk kanë verifikuar në terren gjendjen reale të objekteve, duke bazuar preventivat vetëm në dokumente ekzistuese.
Kjo çështje po trajtohet si një rast serioz i korrupsionit dhe keqmenaxhimit të fondeve publike.
