Koha e parashikuar e leximit: 2 minuta
23 janar 2026
Mbyllet Kapitulli 32 për mbikëqyrjen financiare.
Konferenca ndërqeveritare mes Malit të Zi dhe Bashkimit Evropian, ku do të mbyllet Kapitulli 32, do të zhvillohet në Bruksel më 26 janar.
Ministrja e Çështjeve Evropiane të Malit të Zi, Maida Gorçeviç, deklaroi se mbyllja e Kapitullit 32, që lidhet me Mbikëqyrjen Financiare, është një hap i rëndësishëm drejt anëtarësimit të vendit në BE. Sipas saj, ky kapitull do t’i mundësojë Malit të Zi të menaxhojë në mënyrë të përgjegjshme dhe transparente fondet publike kombëtare dhe ato të Bashkimit Evropian.
Presidenca qipriote e BE-së ka rikonfirmuar mbështetjen për integrimin e shpejtë të vendeve të Ballkanit Perëndimor në Bashkimin Evropian. Ministrja për Çështjet Evropiane të Qipros, Marilena Raouna, theksoi rëndësinë e zgjerimit si një mjet gjeopolitik për paqen, stabilitetin, sigurinë dhe prosperitetin. Ajo shtoi se BE do të avancojë një axhendë të bazuar në meritë, që respekton standardet demokratike dhe sundimin e ligjit.
Konferenca ndërqeveritare e 26 janarit do të jetë e para nën presidencën qipriote, duke u fokusuar në negociatat për pranimin e Malit të Zi në BE, me qëllimin e anëtarësimit të tij brenda vitit 2028. Ndërkohë, Shqipëria synon të bëhet anëtare e Bashkimit Evropian deri në vitin 2030.
