Koha e parashikuar e leximit: 2 minuta
04 shkurt 2026
Presidenti i Shteteve të Bashkuara, Donald Trump, ka paralajmëruar se do të padisë komedianin Trevor Noah, pas një shaka të bërë nga ky i fundit gjatë ceremonisë së ndarjes së çmimeve Grammy.
Trump dihet se ka qenë bashkëpunëtor i Epstein për vite me radhë, por thotë se nuk kishte dijeni për krimet e tij dhe se ato u ndanë rreth vitit 2004. Nuk ka sugjerime që ai të ketë vizituar ndonjëherë ishullin privat të Epstein dhe ai nuk është akuzuar për ndonjë krim nga viktimat e Epstein. Departamenti i Drejtësisë i SHBA-së ka thënë se akuzat kundër tij janë të pabaza dhe të rreme.
Gjatë prezantimit të çmimit “Kënga e Vitit”, Noah ironizoi me presidentin Trump lidhur me çështjen e Groenlandës.
“Kjo është një Grammy që çdo artist e dëshiron pothuajse aq sa Trump dëshiron Groenlandën, gjë që ka kuptim sepse ishulli i Epsteinit është zhdukur, ai ka nevojë për një të ri për të kaluar kohë me Bill Clinton.”
Trump reagoi menjëherë, duke theksuar se nuk kishte dijeni për krimet e Jeffrey Epstein dhe se nuk ka qenë kurrë në ishullin privat të tij. Në një postim në Truth Social, ai iu kundërpërgjigj prezantuesit.
“Noah më përmendi mua në mënyrë të pasaktë, duke aluduar se Donald Trump dhe Bill Clinton kaluan kohë në Ishullin Epstein. GABIME!!! Nuk kam qenë kurrë atje, dhe nuk jam akuzuar asnjëherë.”, thuhet në reagimin e presidentit amerikan.
Sipas Trump, Noah, një dështak i plotë, dhe do ishte më mirë t’i sqarojë faktet, dhe kjo do të duhej të ndodhte sa më shpejt madje.
” Përgatitu Noah, do të argëtohem pak me ty!” , thuhet në reagimin e Trump.
