Koha e parashikuar e leximit: 2 minuta
25 shtator 2025
Rinor Nuhiu, këshilltar politik i presidentes Vjosa Osmani, i është kundërpërgjigjur ministrit të Jashtëm të Serbisë, Marko Gjuriq, lidhur me deklaratat e tij për mënyrën sesi presidentja Osmani ka hyrë në Organizatën e Kombeve të Bashkuara.
Nuhiu në një postim në platformën X shkruan se fabrika e lajmeve të rreme e Vuçiqit dhe Marko Gjuriqit po punon me orar të zgjatur, gjersa shtoi se presidentja Osmani është akredituar në përputhje me procedurat standarde të OKB-së, si çdo kryetar shteti tjetër.
“Gënjeshtra pas gënjeshtrash. Presidentja e Republikës së Kosovës, Vjosa Osmani nuk u ‘fut kontrabandë’ në OKB nga ‘një vend tjetër’, as nuk hyri si ‘turiste’. Ajo është e akredituar në përputhje me procedurat standarde të OKB-së… si çdo kryetar shteti tjetër. Serbia mund të bërtasë sa të dojë. Faktet nuk ndryshojnë. Kosova është këtu. Dhe është këtu për të qëndruar. Përgjithmonë Kosova”, shkroi Nuhiu.
https://x.com/RinorNuhiu/status/1970958703944671246?ref_src=twsrc%5Etfw%7Ctwcamp%5Etweetembed%7Ctwterm%5E1970958703944671246%7Ctwgr%5E13fbcfbdb06758dce41845d3323bf765827c38d1%7Ctwcon%5Es1_&ref_url=https%3A%2F%2Fzeri.info%2Faktuale%2F593469%2Fnuhiu-serbia-mund-te-bertase-sa-te-doje-presidentja-osmani-eshte-e-akredituar-ne-okb-si-cdo-kryetar-shteti%2F
