Ani se janë kulte fetare dhe qëllimi i tyre do të duhej të ishte predikimi i fesë, ja që manastiret në Kosovë duket se kanë marr rol tjetër, nga ajo që do të duhej të bënin. Të paktën në Banjskë e Graçanicë, manastiret janë shndërruar në vende ku zhvillohen veprimtari ilegale e terroriste.
Dinari qarkullon lirshëm, u kryen blerje e madje nga euro në dinarë, KIKS Kosova me lehtësi e bëri konvertimin në Manastirin e Graçanicës.
Pasi ekipi i KIKS-it misionin e parë e kreu me sukses, pra konvertimin e euros në dinarë, atëherë radha ishte që të kuptonin a po qarkullon kjo kartëmonedhë. Stacioni i parë ishtë një barnatore.
Paracetamolët u morën e madje ekipi i KIKS-it as nuk u pyet nga punëtorja se a kamë euro, por pati prej atyre që thanë se nuk guxojnë ta marrin pasi është ilegale.
Direksioni i radhës ishte: minimarketi.
Pas tentimit në market, ekipi i KIKS Kosova vazhdoi tek kafeneja e cila ndodhet jo larg qendrës së qytetit. Edhe pse punëtori i kafenesë tha që është ilegale, dinarin e futi në xhep, pasi ua përgatiti një espresso.
Jo larg Prishtinës, u pa që bizneset në Graçanicë po kryejnë veprimtari ilegale. Ekipi i mori dinarët, bleu paracetamol e kafe pa pikë problem, në pikë të ditës.
Ekipi i KIKS Kosovës do të vazhdojë të përcjellë edhe qytetet e tjera të banuara me shumice serbe se a po qarkullon ende dinari në këto pjesë të Kosovës.
Kujtojmë se me vendim të Qeverisë së Kosovës, dinari serb u ndalua për qarkullim brenda Republikës së Kosovës.
