Koha e parashikuar e leximit: 1 minut
11 shkurt 2026
Mësimdhënësi i përfshirë në incidentin e dhunës në shkollën fillore “Pavarësia” në Prishtinë është liruar nga paraburgimi. Lajmin e ka konfirmuar për Insajderin Kryeprokurori i Prokurorisë Themelore në Prishtinë, Zejnullah Gashi.
Ai ka sqaruar se ndaj mësimdhënësit është vendosur një masë alternative, e cila e obligon të paraqitet rregullisht në stacionin policor. “Të njëjtit i është ndërruar masa, duhet të lajmërohet në stacion policor,” tha Gashi.
Sa i përket nxënësit që shihet në pamjet e incidentit, kryeprokurori bëri të ditur se Prokuroria nuk ka hapur procedura hetimore për veprimet e tij që kanë paraprirë ngjarjen.
