Koha e parashikuar e leximit: 2 minuta
08 dhjetor 2025
Presidenti ukrainas, Volodymyr Zelenskyy, do të zhvillojë një seri takimesh në Londër me homologët e tij: britanikun Keir Starmer, francezin Emmanuel Macron dhe gjermanin Friedrich Merz, për të diskutuar situatën në Ukrainë dhe hapat e mëtejshëm të negociatave për paqe.
Ky takim vjen pas tre ditësh bisedimesh në Florida midis përfaqësuesve të SHBA-së dhe Ukrainës, që nuk sollën një përparim të dukshëm. Presidenti amerikan Donald Trump kritkoi publikisht Zelenskyy-n, duke thënë se ai “nuk është gati” të nënshkruajë planin e paqes të propozuar nga Uashingtoni.
Takimi pritet të zhvillohet pas dyerve të mbyllura, ndërsa Zelenskyy do të vizitojë më vonë Brukselin dhe Romën. Së fundmi, kryeministrja italiane Giorgia Meloni e ka riafirmuar solidaritetin e Italisë me Ukrainën pas një vale të re sulmesh ruse ndaj objektivave civile.
Në të njëjtën kohë, tensionet mes SHBA-së dhe Bashkimit Evropian janë rritur pas publikimit të strategjisë së re të sigurisë kombëtare nga Uashingtoni, që kritikon politikat evropiane dhe paralajmëron “zhdukje qytetërimi” brenda dy dekadave në rast të migrimit dhe integrimit në BE. Presidenti i Këshillit Evropian, António Costa, hodhi poshtë çdo përpjekje të SHBA-së për ndërhyrje në politikën e brendshme të Evropës, duke theksuar se qytetarët evropianë duhet të vendosin për të ardhmen e tyre.
Në një zhvillim tjetër, Kremlini ka mirëpritur strategjinë e SHBA-së, duke e konsideruar atë një ndryshim politik që përputhet pjesërisht me vizionin rus, megjithëse paralajmëroi për mundësinë e sabotaazhit nga elemente brenda SHBA-së.
Ndërkohë, ministrat e BE-së po takohen në Bruksel për të diskutuar planet mbi ligjet e migracionit dhe azilit, ndërsa mediat dhe publikimet sociale vazhdojnë të monitorojnë me vëmendje zhvillimet diplomatike dhe strategjike në kontinent.
