Presidenti i sapozgjedhur i SHBA-së, Donald Trump tha të dielën se presidenti sirian Bashar al-Assad ishte “ikur nga vendi i tij” pasi kishte humbur mbështetjen e Rusisë.
“Assad është zhdukur”, tha ai në platformën e tij “Truth Social”.
“Mbrojtësi i tij, Rusia, e udhëhequr nga Vladimir Putin, nuk ishte më e interesuar ta mbronte atë. Rusia nuk kishte asnjë arsye për të qenë atje në radhë të parë. Ata humbën çdo interes për Sirinë për shkak të Ukrainës. Rusia dhe Irani tani janë në një pozicion të dobët, një, për shkak të Ukrainës dhe një ekonomie të keqe, dhe dy për shkak të Izraelit dhe suksesit të tij në luftime”, ka shkruar Trump.
