Koha e parashikuar e leximit: 2 minuta
06 qershor 2025
Pak më pak se tre muaj më parë, Presidenti Donald Trump qëndroi pranë Elon Musk jashtë Shtëpisë së Bardhë për të zgjedhur një Tesla të re. Pas grindjes së tij shpërthyese me drejtorin ekzekutiv të Tesla-s, Trump mund të jetë gati të heqë dorë edhe nga makina e tij elektrike me shkëlqim.
Një zyrtarë i lartë i Shtëpisë së Bardhë konfirmoi për Business Insider se Trump po shqyrtonte shitjen ose dhurimin e Model S të kuq, çmimi i të cilit është rreth 80,000 dollarë. Lajmin e raportoi e para Wall Street Journal.
Trump zgjodhi Model S nga një gamë automjetesh Tesla gjatë një eventi të ngjashëm me prezantimin e shitjeve me Musk në Shtëpinë e Bardhë në mars.
E gjitha ndodhi kur Musk kritikoi projektligjin e taksave “të madh dhe të bukur” të Trump në një seri postimesh në X. Trump më pas e quajti miliarderin “të çmendur” dhe sugjeroi se “mënyra më e lehtë për të kursyer para në buxhetin tonë, miliarda e miliarda dollarë, është të ndërpresim subvencionet dhe kontratat qeveritare të Elonit”.
Grindja dëmtoi çmimin e aksioneve të Teslës, duke u mbyllur me 14% rënie të enjten dhe duke fshirë 138 miliardë dollarë nga vlerësimi i kompanisë. Aksionet shënuan një rimëkëmbje të premten, duke u rritur gati 5% në tregtimin e mëngjesit dhe mbeten poshtë me një të pestën këtë vit.
