Themeluesi i Apple, Steve Jobs, bleu një Porsche 911 të zezë çdo gjashtë muaj për dekada të tëra.
Njerëzit rreth tij mendonin se ai ndërronte makina sa herë i shfaqej një gërvishtje në trup, por gjërat janë ndryshe.
Arsyeja për këtë është se Jobs i urrente targat dhe Kalifornia në atë kohë i lejonte shoferët të mos përdornin targa për gjashtë muajt e parë të pronësisë. Jobs kontraktoi për të marrë me qira një makinë të re çdo 180 ditë, kështu që ai nuk kishte nevojë të vinte një targë mbi të.
John Callas, një ekspert i sigurisë kompjuterike dhe inxhinier softuerësh për Apple, konfirmoi historinë në një intervistë me ITWire në vitin 2011, vetëm disa muaj para se Jobs të vdiste.
Në atë kohë, u përfol se Steve Jobs kishte kontratë me Departamentin e Automjeteve (DMV) për të vendosur një barkod në makinën e tij në vend të targës, megjithëse kjo histori nuk u konfirmua kurrë.
