Koha e parashikuar e leximit: 1 minut
17 dhjetor 2025
Në ditën e dytë të vizitës së saj zyrtare në Athinë, Ministrja për Europën dhe Punët e Jashtme e Shqipërisë, Elisa Spiropali, zhvilloi një takim me Ministrin e Mbrojtjes së Greqisë, Nikos Dendias.
Bisedimet u fokusuan në forcimin e bashkëpunimit afatgjatë mes dy vendeve partnere në NATO, të cilat kontribuojnë në stabilitetin dhe sigurinë e rajonit, Europës dhe më gjerë. Shqipëria do të jetë nikoqire e Samitit të NATO-s në vitin 2027, një event kyç për axhendën rajonale dhe ndërkombëtare.
Spiropali nënvizoi se marrëdhëniet Shqipëri-Greqi do të zhvillohen mbi bazën e interesave strategjike të përbashkëta, me fokus tek përfitimet për qytetarët dhe perspektiva e përbashkët europiane.
Nga ana e tij, Ministri Dendias theksoi se Greqia e sheh Shqipërinë si një partner të përkushtuar në promovimin e vlerave demokratike, sigurisë dhe mbrojtjes europiane.
Ky takim konsolidon angazhimin e të dyja vendeve për një bashkëpunim të qëndrueshëm dhe të koordinuar në kuadër të aleancës së NATO-s.
