Koha e parashikuar e leximit: 1 minut
18 korrik 2025
Zjarret po vazhdojnë të përhapen në disa rajone të Shqipërisë, ndërsa autoritetet janë në terren për të frenuar situatën.
Sipas Qendrës Kombëtare Operacionale të Emergjencave Civile, deri të enjten janë raportuar gjithsej 18 vatra zjarri në vend. Deri më tani janë shuar 10, ndërsa 8 mbeten ende aktive.
Aktualisht, zjarret janë të përqendruara në këto qarqe: Dibër, Fier, Vlorë, Gjirokastër dhe Elbasan.
Në terren janë angazhuar 291 forca operacionale dhe 29 automjete zjarrfikëse, të cilat po punojnë në kushte të vështira për të vënë nën kontroll flakët.
Në ndihmë kanë ardhur edhe Forcat e Armatosura, me 2 helikopterë, 120 trupa dhe 4 automjete zjarrfikëse shtesë, për të përballuar emergjencën e zjarreve në zona të thella dhe me terren të vështirë.
Autoritetet janë në gatishmëri të plotë për të parandaluar përhapjen e mëtejshme të flakëve, ndërsa qytetarët janë të lutur të raportojnë menjëherë çdo vatër të mundshme.
