Koha e parashikuar e leximit: 1 minut
29 maj 2025
Rusia njoftoi se i ka propozuar Ukrainës bisedime të reja paqeje në Stamboll. Përfaqësuesit e Ukrainës kërkojnë që Rusia të paraqesë paraprakisht kushtet për paqen.
Rusia ka propozuar që raundi i ardhshëm i bisedimeve për paqe me Ukrainën të mbahet më 2 qershor në Stamboll. Lajmi është konfirmuar nga ministri i Jashtëm rus, Sergei Lavrov, i cili deklaroi se delegacioni rus është i gatshëm të vazhdojë negociatat të hënën, duke paraqitur një “memorandum” me propozimet për t’i dhënë fund konfliktit.
Nga ana tjetër, Ukraina ka pranuar të marrë pjesë në takimin e radhës me negociatorët rusë, por kërkon që më parë të njihet me kushtet që Moska do të propozojë për paqen.
