Koha e parashikuar e leximit: 3 minuta
22 tetor 2025
Ministria e Jashtme e Mbretërisë së Bashkuar paralajmëron qytetarët për rreziqet serioze në disa destinacione turistike
Ministria e Jashtme e Mbretërisë së Bashkuar ka shtuar tetë vende të reja në listën zyrtare të paralajmërimeve për rrezikun nga helmimi me metanol, një substancë shumë toksike që gjendet në disa pije alkoolike të falsifikuara ose të prodhuara në mënyrë artizanale.
Vendet e përfshira së fundmi në paralajmërim:
- Ekuadori
- Japonia
- Kenia
- Nepali
- Meksika
- Sri Lanka
- Republika Domenikane
- Filipinet
Këto shtete janë shtuar pas raportimeve për incidente serioze shëndetësore, duke përfshirë raste të helmimeve dhe vdekje të mundshme në mesin e turistëve britanikë që kanë konsumuar alkool të kontaminuar.
Çfarë është metanoli dhe pse është i rrezikshëm?
Metanoli është një kimikat industrial që nuk është i destinuar për konsum njerëzor. Ai është jashtëzakonisht i dëmshëm dhe nëse konsumohet edhe në sasi të vogla, mund të shkaktojë:
- Verbim të përhershëm
- Dëmtime të rënda neurologjike
- Mungesë vetëdijeje
- Vdekje
Pijet që përmbajnë metanol shpesh duken, ndjehen dhe shijojnë si alkooli normal, duke e bërë shumë të vështirë për përdoruesin të kuptojë rrezikun para se të jetë vonë.
Simptomat e helmimit me metanol
Nëse ndodheni në ndonjë nga këto vende dhe keni konsumuar pije alkoolike me origjinë të pasigurt, kujdesuni per simptomat e mëposhtme dhe kërkoni menjëherë ndihmë mjekësore nëse ato shfaqen:
- Dhimbje koke të forta
- Të vjella
- Shikim i turbullt ose humbje e shikimit
- Marramendje
- Vështirësi në frymëmarrje
- Humbje vetëdijeje
Cilat vende tashmë janë pjesë e listës së paralajmërimit?
Përveç tetë vendeve të reja, vendet që kanë qenë më parë në listën e rrezikut për helmim me metanol përfshijnë:
- Tajlanda
- Laosi
- Vietnami
- Kamboxhia
- Indonezia
- Turqia
- Kosta Rika
- Fixhi
Një nga incidentet më të rënda ndodhi ne Laos, ku gjashtë turistëhumbën jetën në vitin 2016 pas konsumimit të pijeve të rrezikshme.
Këshilla për udhëtarët: Si të qëndroni të sigurt
Nëse planifikoni të udhëtoni në ndonjë nga këto destinacione, ndiqni këto këshilla për të shmangur rrezikun:
✅ Mos blini pije alkoolike nga burime të panjohura apo jo të licencuara
✅ Shmangni pije që shiten në shishe pa etiketë ose me etiketa të dyshimta
✅ Konsumoni vetëm produkte që shiten në bare, restorante apo hotele të njohura dhe të kontrolluara
✅ Në rast dyshimi, mos e konsumoni pijën
✅ Nëse shfaqni simptoma të çuditshme pas konsumimit të alkoolit, kontaktoni menjëherë ndihmën mjekësore
