Koha e parashikuar e leximit: 1 minut
13 janar 2026
Kreu i qeverisë merr pjesë edhe në ceremoninë e ndarjes së çmimeve “Zayed” të iniciativave humanitare.
Kryeministri Edi Rama ndodhet sot, 13 janar, në Abu Dhabi, ku po merr pjesë në Samitin e Javës së Zhvillimit të Qëndrueshëm, një ngjarje ndërkombëtare që grumbullon liderë, ekspertë dhe përfaqësues të institucioneve globale për të diskutuar sfidat dhe zgjidhjet e zhvillimit të qëndrueshëm.
Ky samit organizohet nën kujdesin e veçantë të Presidentit të Emirateve të Bashkuara Arabe, Sheikh Mohammed bin Zayed Al Nahyan, të cilin Rama e ka përshkruar si një mik të madh të Shqipërisë.
Gjatë pjesëmarrjes së tij, kryeministri Rama theksoi rëndësinë e zhvillimit të qëndrueshëm për ekonomitë e vogla dhe të mesme si Shqipëria, duke veçuar rolin e bashkëpunimit ndërkombëtar në luftën kundër ndryshimeve klimatike dhe mbrojtjen e burimeve natyrore.
Ai ka ndarë në rrjetet sociale disa fotografi nga samiti, ku shfaqet në takime me liderë botërorë dhe përfaqësues të institucioneve financiare dhe ambientaliste, si dhe në diskutime mbi projekte konkrete të zhvillimit të qëndrueshëm.
