Koha e parashikuar e leximit: 3 minuta
18 gusht 2025
Presidenti rus Vladimir Putin ka njoftuar përfundimet e vizitës së fundit të delegacionit shtetëror në Shtetet e Bashkuara të Amerikës, e cila u zhvillua në shtetin e Alaskës. Gjatë një mbledhjeje me përfaqësues të institucioneve dhe mediave, ai deklaroi se vizita ishte në kohën e duhur dhe shumë e frytshme, duke përfshirë diskutime të gjera për fushat e bashkëpunimit mes dy vendeve.
“Ju kërkova të mblidheni për t’ju informuar rreth rezultateve të vizitës sonë , vizitës së delegacionit tonë, në Shtetet e Bashkuara, në Alaska. Dua të theksoj menjëherë se vizita ishte në kohën e duhur dhe shumë e dobishme. Diskutuam praktikisht të gjitha fushat e bashkëveprimit tonë, por para së gjithash, sigurisht, folëm për një zgjidhje të mundshme të krizës ukrainase në baza të drejta. Dhe sigurisht, patëm mundësinë, siç e bëmë, të flisnim për gjenezën, për shkaqet e kësaj krize. Është eliminimi i këtyre shkaqeve rrënjësore që duhet të formojë bazën e zgjidhjes.”, theksoi ai para përfaqësuesve të institucioneve dhe mediave.
Sipas Putin, fokusi kryesor i bisedimeve ishte situata në Ukrainë. Palët diskutuan mundësitë për një zgjidhje të drejtë të krizës, si dhe analizuan shkaqet themelore që kanë çuar në përshkallëzimin e saj. Ai theksoi poashtu se zgjidhja e qëndrueshme duhet të ndërtohet pikërisht mbi eliminimin e këtyre shkaqeve rrënjësore.
“Ne nuk kemi pasur negociata të drejtpërdrejta të këtij lloji në këtë nivel për një kohë të gjatë. E përsëris edhe një herë: pati një mundësi për të shprehur me qetësi dhe në detaje përsëri qëndrimin tonë. Ne, sigurisht, e respektojmë qëndrimin e administratës amerikane, e cila sheh nevojën për një përfundim të shpejtë të veprimeve ushtarake. Epo, edhe ne do ta donim këtë dhe do të donim të kalonim në zgjidhjen e të gjitha çështjeve me mjete paqësore. Biseda ishte shumë e sinqertë, informuese dhe, sipas mendimit tim, na afron më shumë me vendimet e duhura.”
Në fund te takimit, Putin e cilësoi bisedën si të sinqertë, të hapur dhe informuese, duke shtuar se ajo përbën një hap pozitiv drejt marrjes së vendimeve të duhura në të ardhmen.
