Koha e parashikuar e leximit: 1 minut
24 shkurt 2025
Në shenjë mbështetjeje në përvjetorin e tretë të pushtimit të Ukrainës nga Rusia, presidentja e Komisionit Evropian, Ursula von der Leyen dhe presidenti i Këshillit Evropian, Antonio Costa kanë mbërritur, sot në Kiev.
Von der Leyen tha se ishte në Kiev sepse “Ukraina është Evropë”.
“Në këtë luftë për mbijetesë, nuk është vetëm fati i Ukrainës që është në lojë. Është edhe fati i Evropës”, ka shkruar Von der Leyen në X.
Ndryshe Bashkimi Evropian ka thirrur një samit të jashtëzakonshëm për Ukrainën dhe sigurinë evropiane për datën 6 mars.
