Koha e parashikuar e leximit: 1 minut
12 nentor 2025
Partia Demokratike ka reaguar pas konstituimit të Komisionit Parlamentar për Reformën Territoriale, i cili u zhvillua me votat e mazhorancës dhe aleatëve të saj opozitarë.
Në një reagim zyrtar, PD ka sqaruar se nuk mori pjesë në mbledhje, duke e cilësuar thirrjen e saj si të njëanshme dhe të vendosur pa dakordësi me opozitën.
“Mbledhja e Komisionit është vendosur në mënyrë të njëanshme nga ana e përfaqësuesve të mazhorancës. Ndërkohë, deputetët e opozitës ishin të angazhuar në komisionet parlamentare ku po diskutohej buxheti për vitin 2026”, thuhet në reagimin e PD-së.
Komisioni për Reformën Territoriale pritet të shqyrtojë propozimet për ndarjen e re administrative të vendit, një proces që ka qenë vazhdimisht objekt debatesh ndërmjet mazhorancës dhe opozitës
