Koha e parashikuar e leximit: 3 minuta
31 korrik 2025
Vendimi i Dhomave të Specializuara në Hagë për të pranuar si prova materiale dokumente të dorëzuara nga institucionet shtetërore të Serbisë ka shkaktuar reagime të ashpra dhe shqetësim të thellë në opinionin publik dhe politik në Kosovë.
Minsitrja e Drejtësisë Albulena Haxhiu ka reaguar duke e quajtur të papranueshëm zhvillimin e fundit në Gjykatën e Hagës, ku Institucionet në fjalë janë struktura të një regjimi që ka qenë përgjegjës për dhunë sistematike, krime lufte, zhdukje me forcë, gjenocid, spastrime etnike dhe represion brutal ndaj popullit të Kosovës. Pranimi i materialeve të prodhuara nga ky regjim si burime të besueshme përbën një deformim të rëndë të drejtësisë dhe një fyerje të hapur ndaj viktimave të luftës dhe sakrificës për liri shprehet ajo.
“Me shqetësim kemi marrë lajmin se Dhomat e Specializuara në Hagë kanë pranuar si prova materiale dokumente të dorëzuara nga institucionet shtetërore të Serbisë, përfshirë Departamentin e Sigurisë Shtetërore, Ministrinë e Punëve të Brendshme dhe të ashtuquajturën “Komandë për Kosovën dhe Metohinë”, tha Haxhiu.
Ajo e quan tentimin e Gjykates juridikisht të gabuar dhe të padrejtë për sa i përket provave të propozuara e të cilat vijnë nga autoritetet serbe e që nuk përbën, në vetvete, një ndalesë për pranimin e tyre.”
Haxhiu poashtu thekson se Refuzimi i Gjykatës për t’a marrë parasysh këtë kriter, ngre dyshime serioze mbi paanshmërinë e vetë gjyqtarëve të rastit.
“Përdorimi i dokumenteve të prodhuara nga institucionet e regjimit serb është i gabuar dhe i papranueshëm. Nuk mund të ketë besim në dokumente që janë prodhuar nga një aparat shtetëror kriminal, jo për të ndërtuar drejtësi, por për të manipuluar të vërtetën, për të fajësuar viktimën dhe për të amnistuar kriminelin.”
“Slobodan Millosheviqi dhe bashkëpunëtorët e tij janë gjykuar në Gjykatën Ndërkombëtare të Hagës për krime lufte. Pranimi i dokumenteve të prodhuara nga regjimi i tyre nga një gjykatë që vepron në emër të Republikës së Kosovës e zhvesh këtë gjykatë nga legjitimiteti kushtetues dhe e shndërron atë në instrument të logjikës së vjetër të mohimit të së vërtetës, barazimit të palëve dhe relativizimit të krimeve.”, shkruan ministrja në detyrë.
Sipas ministres Haxhiu, kjo është jo vetëm e padrejtë, por politikisht e papranueshme.
