Koha e parashikuar e leximit: 1 minut
05 mars 2025
“Kur shteti s’na mbron, revoltohemi” shkruan në banerin që kolektivi “Marshojmë s’festojmë” ka lëshuar sot nga ndërtesa e “Reporting House”, për çka u bë thirrje për protestë më 8 mars. Derisa motivi kryesor i kësaj proteste sipas këtij kolektivi është lufta kundër dhunës.
Aktivistja Latra Demaçi tha se dhuna ushtrohet nga patriarkati, kapitalizmi racist, pabarazitë globale dhe ideologjitë që sipas saj cilësojnë disa trupa dhe mendje si “të paaftë”.
Ajo përmendi disa raste të vrasjeve dhe dhunës ndaj grave në Kosovë, duke thënë se janë pasoja tragjike të patriarkatit.
Demaçi bëri thirrje për protestë dhe marshim më 8 mars në orën 12:00 në sheshin “Zahir Pajaziti”.
Ajo tha se kjo datë “le të jetë për solidaritetin, jetën dhe përkujdesjen për njëra-tjetrën”, duke u thirrur në protestë për dinjitet, siguri dhe mirëqenie të të gjitha grave dhe vajzave.
Këtë organizmin kolektivi “Marshojmë s’festojmë” e bëri në kuadër të aktiviteteve të marshit për 8 mars.
