Koha e parashikuar e leximit: 1 minut
27 majj 2025
Kombëtarja shqiptare U-21 ka nisur sot zyrtarisht grumbullimin në kuadër të dy ndeshjeve miqësore që do të zhvillohen në fillim të muajit qershor kundër Hungarisë dhe Turqisë.
Sipas njoftimit zyrtar nga Departamenti i Komunikimit në Federatën Shqiptare të Futbollit (FSHF), trajneri Alban Bushi ka vendosur të thërrasë edhe portierin Simon Simoni, i cili do t’i bashkohet menjëherë skuadrës për të nisur përgatitjet me grupin.
Kalendari i ndeshjeve miqësore:
Hungari U-21 vs Shqipëri U-21 – 5 qershor; “Széktó Stadium”; Ora 19:30
Turqi U-21 vs Shqipëri U-21 – 8 qershor; “Ataturk Olympic Stadium”; Ora 19:00
Këto dy sfida vlerësohen si shumë të rëndësishme për kuqezinjtë e rinj, në kuadër të përgatitjeve për ndeshjet zyrtare të kualifikueseve të ardhshme.
