Koha e parashikuar e leximit: 2 minuta
10 prill 2025
Izraeli liroi sot në mëngjes 80 të burgosur palestinezë nga Rripi i Gazës, kanë bërë të ditur burime mjekësore.
Burimet gjithashtu kanë theksuar se shumica e të burgosurve të liruar janë në gjendje të rënduar shëndetësore dhe shumë prej tyre janë shtruar në spital.
Të burgosurit u liruan në pikën kufitare izraelite Kissufim, pranë Khan Younisit në jug të Gazës.
Ministria e Shëndetësisë në Gazë ka bërë të ditur se numri i përgjithshëm i palestinezëve të vrarë nga sulmet izraelite që nga 7 tetori 2023 është rritur në 50846.
Gjithsej 115729 persona janë plagosur nga sulmet izraelite në enklavë gjatë të njëjtës periudhë, ka njoftuar ministria.
Kujtojmë se OKB-ja vlerëson se rreth 124 mijë palestinezë janë zhvendosur që kur Izraeli ka rifilluar sulmet ndaj Gazës.
Në nëntor të vitit 2023, Gjykata Penale Ndërkombëtare lëshoi urdhër-arreste për kryeministrin izraelit, Benjamin Netanyahu dhe ish-ministrin e Mbrojtjes, Yoav Gallant për krime lufte dhe krime kundër njerëzimit në Gazë.
Izraeli po ashtu përballet me një rast për gjenocid në Gjykatën Ndërkombëtare të Drejtësisë për veprimet e tij në enklavë.
