Koha e parashikuar e leximit: 1 minut
24 qershor 2025
Media shtetërore iraniane ka reaguar ndaj akuzave të Izraelit, duke mohuar raportet se ka lëshuar raketa ndaj Izraelit pas fillimit të armëpushimit.
Ushtria izraelite, më herët, tha se kishte identifikuar raketa të lëshuara nga Irani pas hyrjes në fuqi të armëpushimit dhe se sistemet e mbrojtjes ajrore ishin aktivizuar për të kapur kërcënimin. Izraeli gjithashtu ka njoftuar qytetarët që të shkojnë në strehimore dhe të qëndrojnë atje deri në njoftim të mëtejshëm.
Në përgjigje të këtyre akuzave, ministri izraelit i Mbrojtjes, Israel Katz, ka deklaruar se ka urdhëruar Forcat Mbrojtëse të Izraelit të “përgjigjen me forcë ndaj shkeljes së armëpushimit nga Irani me sulme intensive kundër objektivave të regjimit në zemër të Teheranit.”
Tensionet mes dy shteteve janë rritur ndjeshëm pas akuzave të dyja palëve, duke lënë hapur mundësinë për një përshkallëzim të situatës në Lindjen e Mesme.
