Koha e parashikuar e leximit: 1 minut
05 shkurt 2026
Brad Karp, kryetari i firmës së njohur të avokatisë korporative në SHBA, “Paul Weiss”, ka dhënë dorëheqje papritur të mërkurën, pas publikimit të dosjeve që zbuluan shkëmbimet e tij të emaileve me Jeffrey Epstein.
Në një deklaratë, Karp tha: “Të drejtoj Paul Weiss për 18 vitet e fundit ka qenë nderi i jetës sime profesionale. Raportimet e fundit kanë krijuar shpërqendrim dhe kanë vendosur fokusin mbi mua, gjë që nuk është në interesin më të mirë të firmës.”
Megjithatë, ai do të vazhdojë të kryejë funksione të tjera brenda kompanisë. Sipas firmës, Karp do t’i përkushtohet ende shërbimit ndaj klientëve në kohë të plotë.
Në vend të tij, Scott Barshay është emëruar kryetar i “Paul Weiss”.
