Koha e parashikuar e leximit: 1 minut
05 shkurt 2026
Granit Xhaka mbetet ende në pikëpyetje për ndeshjen e radhës ndaj Arsenalit. Mesfushori i Sunderlandit ka munguar në dy përballjet e fundit për shkak të një dëmtimi dhe rikthimi i tij nuk është konfirmuar ende.
Trajneri i Sunderlandit, Regis Le Bris, deklaroi në konferencën për media para ndeshjes së javës së 25-të në Premier League se gjendja e Xhakës po monitorohet nga stafi mjekësor. Sipas tij, vendimi për aktivizimin e mesfushorit do të merret vetëm pak para fillimit të takimit.
