Monika Kryemadhi është paraqitur ditën e sotme në ambientet e Gjykatës së Posaçme të Apelit.
Para gazetarëve në një koment të shkurtër ajo ka deklaruar: Erdha të marr letrat e SHIK-ut. Kryemadhi ishte e shoqëruar nga vajza e saj Bora, e cila është shfaqur edhe më herët në krah të saj teksa Kryemadhi shkonte në GJKKO për të marrë dosjen.
Kujtojmë se ndaj Kryemadhit është vendosur masë sigurie “detyrim paraqitje”, teksa akuzohet nga SPAK për fshehje pasurie, pastrim parash dhe korrupsion.
