Koha e parashikuar e leximit: 1 minut
12 mars 2025
Aleanca Sahra Wagenknecht (BSW) me orientim majtist ka kërkuar rinumërimin e votave në Gjermani.
BSW është ankuar në Gjykatën Kushtetuese që të urdhërojë rinumërimon sepse “ka pasur parregullësi”.
Kjo parti ka fituar 4,972 % të votave dhe sipas llogaritjeve të saj i mungojnë “vetëm” 13,400 vota për t’u futur në Bundestag.
Në disa vende ka pasur rinumërime dhe janë konstatuar disa parregullësi të vogla, por deri tani nuk ka ndryshime të rëndësishme.
E një prej vërejtjeve që janë dëgjuar menjëherë pas zgjedhjeve ka qenë edhe ajo se “ka pasur parregullësi edhe sa i përket votimit të gjermanëve jashtë Gjermanisë…” por as këto pohime nuk janë vërtetuar deri tani.
Mësohet se ankesa është bërë në momentin e fundit, sepse rezultatet përfundimtare zyrtare pritet të publikohen të premten, me 14 mars./Shkruan Bahri Cani
