Zyrtari i PES-it i bëri thirrje kryetarit të Kuvendit që t’i kërkojë Vuçiqit “të përdorë ndikimin e tij në qeverinë e Serbisë”.
Tihomir Dragaš, anëtar i Kryesisë së Lëvizjes Evropa Tani, i ka bërë thirrje kryetarit të Kuvendit Andrija Mandiq që t’i kërkojë presidentit të Serbisë, Aleksandar Vuçiq, që Svetozar Maroviq ta ekstradojë në Mal të Zi.
Mandiq ka njoftuar mëngjesin e sotëm se ka pasur një bisedë telefonike me presidentin e Serbisë, Aleksandar Vuçiq, lidhur me arrestimin e Alija Balijagiq në atë vend.
“Z. Mandiq, kryetar i Parlamentit të Malit të Zi, ju lutemi, herën tjetër nxiteni Presidentin e Serbisë, z. Aleksandar Vuçiq, që të përdorë ndikimin e tij në qeverinë serbe për të arrestuar dhe ekstraduar Svetozar Maroviq në Mal të Zi. Faleminderit”, ka shkruar Dragaš. Ixu.
Mali i Zi prej tetë vitesh i kërkon Serbisë ekstradimin e ish-kryetarit të Kuvendit dhe Qeverisë së Malit të Zi dhe Bashkimit Shtetëror të Serbisë dhe Malit të Zi, për të vuajtur dënimin me burg që ai ishte dënuar në Podgoricë në vitin 2016.
Maroviq është dënuar me tre vjet e nëntë muaj burgim për veprën penale të keqpërdorimit të pozitës zyrtare përmes nxitjes në mënyrë të organizuar.
Ai ka pranuar në Prokurorinë Speciale të Shtetit se ka qenë në krye të një grupi kriminal të përbërë nga ish-drejtues të Komunës së Budvës dhe bashkëpunëtorë të tyre, i cili përmes disa projekteve i ka shkaktuar dëme miliona dollarësh buxhetit komunal. Me pranimin e fajësisë, Maroviq pranoi t’i kthejë shtetit rreth një milion euro dhe të paguajë një gjobë prej njëqind mijë eurosh.
Në vitin 2017, Mali i Zi lëshoi një urdhër për Maroviqin, i cili ndodhet në Serbi, por Beogradi zyrtar i shpërfilli kërkesat për ekstradim pavarësisht kërkesave të shumta urgjente.
Në rast të mosekstradimit në Mal të Zi, më 10 tetor 2026, do të fillojë parashkrimi absolut i ekzekutimit të dënimit me burg ndaj Maroviqit.
