Koha e parashikuar e leximit: 2 minuta
26 mars 2025
Kryetari i entitetit serb në Bosnje dhe Hercegovinë të quajtur Republika Serbe, Millorad Dodik ka arritur të largohet nga ky shtet, pavarësisht se për të ishte lëshuar një urdhër-arrest. Ai mbrëmë nga Beogradi ka udhëtuar për në Izrael.
Sipas gazetës sarajevase “Osllobogjenje”, mbrëmë rreth orës 18:30 pesë vetura pa shenja kanë kaluar kalimin kufitar në Raçe në Bosnjë dhe Hercegovinë për në Serbi.
Sipas burimeve të gazetës, askush nuk i ka ndaluar, si dhe se është interesant si laura, e cila zakonisht është e mbyllur, ka qenë e hapur. Kolona vetëm ka kaluar nëpër këtë kalim kufitar pa u ndaluar fare.
Besohet se në njërën nga këto vetura në kolonë ka qenë edhe kryetari i entitetit serb të BeH, Millorad Dodik.
Avokati i Dodikut ka deklaruar se vendimi për arrestimin e Dodikut “ende nuk ka ardhur”: Ai gjithashtu ka përmendur “një apelim të mundshëm”.
Pas zbarkimit në Izrael, Dodik dërgoi një mesazh në rrjetin social X duke pretenduar se “respekton thellësisht historinë dhe vendosmërinë e Izraelit”.
“Unë kam filluar një vizitë në Izrael, një vend, forcën, historinë dhe vendosmërinë e të cilit e respektoj thellësisht. Izraeli tregon se liria dhe siguria nuk kanë çmim dhe se një popull që e di se kush është – nuk pranon të jetë as një objektiv, as një vartës, shkroi ai.
Largimi i Dodikut shkaktoi reagim të Policisë Kufitare në Bosnjë-Hercegovinë, pasi me urdhër të drejtorit Mirko Kupresakoviq nisi një hetim mbi mënyrën se si ai e ka kaluar kufirin shtetëror./Paparaci/
