Koha e parashikuar e leximit: 1 minut
18 dhjetor 2025
Vija bregdetare e ishullit Hormuz në Iran ka tërhequr vëmendjen e mediave ndërkombëtare ditët e fundit, pasi uji i detit ka marrë një ngjyrë të kuqe të thellë, duke krijuar një peizazh që ngjan me planetin Mars. Fenomeni, megjithëse vizualisht mbresëlënës, nuk ka asgjë misterioze, sipas ish-drejtorit të Shërbimit Meteorologjik Helenik, Theodore Kolidas.
Eksperti shpjegon se ngjyra e kuqe e ujit është rezultat i një procesi gjeologjik dhe hidrometeorologjik. Ishulli i Hormuzit, i njohur edhe si “Ishulli i Ylberit”, është i pasur me okside hekuri, kryesisht hematit. Gjatë periudhave me reshje intensive, materiali i imët i hekurt lahet nga shpatet e ishullit, transportohet nëpër rrjedhat sipërfaqësore dhe përfundon në det. Pezullimi i këtyre sedimenteve i jep ujit ngjyrën karakteristike të kuqe, veçanërisht pranë vijës bregdetare.
Kolidas thekson se ky fenomen është i natyrshëm dhe i shpjegueshëm shkencërisht, duke përbërë një shembull të veçantë të ndërveprimit midis gjeologjisë dhe kushteve hidrometeorologjike.
