Koha e parashikuar e leximit: 1 minut
07 tetor 2025
John Clarke, Michel H. Devoret dhe John M. Martinis u vlerësuan me Çmimin Nobel në Fizikë të martën në Suedi për punën e tyre në mekanikën kuantike dhe qarqet elektrike. Ata do të ndajnë një çmim prej 11 milionë kronerësh suedeze, ose rreth 1.17 milionë dollarë.
Pse e morën çmimin?
Tre shkencëtarët u njohën për një seri eksperimentesh që kryen në vitet 1984 dhe 1985 në qarqet elektrike, të cilat zbuluan se një proces i quajtur “tunelim” – një fenomen mekanik kuantik në të cilin grimcat lëvizin drejtpërdrejt përmes një barriere – mund të ndodhte në një shkallë më të madhe nga sa ishte besuar më parë.
Puna e studiuesve tregoi se ky proces tunelimi dhe nivelet e energjisë së kuantizuara mund të ndodhin në një sistem “mjaftueshëm të madh për t’u mbajtur në dorë”.
“Mekanika kuantike është themeli i të gjithë teknologjisë dixhitale”, tha Olle Eriksson, kryetar i Komitetit Nobel për Fizikë, në një deklaratë duke njoftuar çmimin. Eksperimentet e laureatëve ndihmuan në hedhjen e themeleve për avancimin e teknologjive të reja që mbështeten në këto parime.
