Koha e parashikuar e leximit: 2 minuta
24 prill 2025
Jude Bellingham, një nga figurat kyçe të Real Madridit dhe përfaqësues i kombëtares së Anglisë, mund të përballet me një operacion të domosdoshëm në shpatull pas përfundimit të sezonit 2024/25.
Sipas raportimeve nga Cadena SER, mesfushori anglez ka vuajtur nga një lëndim i vazhdueshëm në shpatullën e majtë që nga një përplasje gjatë një ndeshjeje kundër Rayo Vallecano.
Edhe pse ka vazhduar të performojë në nivele të larta, shqetësimi fizik ka mbetur i pranishëm dhe gjithnjë e më i vështirë për t’u menaxhua.
Fillimisht, klubi kishte sugjeruar ndërhyrjen kirurgjikale menjëherë pas sezonit të kaluar, por lojtari dhe stafi i tij vendosën të shtyjnë vendimin për të mos rrezikuar pjesëmarrjen në Euro 2024 me Anglinë.
Nëse Bellingham i nënshtrohet operacionit pas këtij sezoni, ai pritet të mungojë për rreth dy muaj.
Kjo mund ta përjashtojë nga pjesëmarrja në Kupën e Botës për Klube, e cila nis më 13 qershor, dhe gjithashtu të vonojë rikthimin e tij në fushë për sezonin e ardhshëm.
Pamjet nga ndeshja e fundit ndaj Getafes tregojnë qartë se shpatulla e tij është ende duke u mbrojtur me një mbajtës special, duke nënvizuar seriozitetin e situatës.
Real Madrid është i vetëdijshëm për rëndësinë e ndërhyrjes, ndërsa çdo paraqitje e re me dhimbje vetëm sa e shton urgjencën për zgjidhje afatgjatë.
