Koha e parashikuar e leximit: 2 minuta
10 dhjetor 2025
Barcelona ka hedhur poshtë çdo mundësi që Raphinha të largohet nga Camp Nou, duke prerë shpresat e klubeve që e kishin në shënjestër. Klubi katalanas e konsideron brazilianin një pjesë kyçe të projektit të tij afatgjatë dhe nuk ka ndërmend ta shesë.
Interesimi për 28-vjeçarin ka rritur, sidomos pas lidhjes së emrit të tij me një kalim të mundshëm në Ligën Profesionale Saudite pas Kupës së Botës 2026. Megjithatë, vetë Raphinha ka mohuar këto spekulime. Sipas raportimeve të fundit nga Diario Sport, Barcelona nuk ka asnjë plan për ta larguar lojtarin, ndërsa trajneri Hansi Flick e sheh atë si një element të pazëvendësueshëm në skemat e tij taktike.
Raphinha ka kontratë me Barcelonën deri në vitin 2028 dhe ka refuzuar oferta të shumta nga klube të tjera, duke treguar qartë dëshirën për të qëndruar në Camp Nou. Përkushtimi dhe mentaliteti i tij e kanë bërë të dashur për tifozët katalanas, ndërsa familja e tij tashmë është plotësisht e integruar në qytet.
Pas një sezoni të shkëlqyer 2024/25, Raphinha ka si synim të udhëheqë Barcelonën drejt trofeve të reja dhe të tregojë performanca të jashtëzakonshme në Kupën e Botës 2026.
