Koha e parashikuar e leximit: 1 minut
26 janar 2026
Një stuhia e fuqishme dimërore ka përfshirë Shtetet e Bashkuara, duke shkaktuar kushte ekstreme moti, ndërprerje të energjisë elektrike dhe humbje jete. Autoritetet kanë paralajmëruar qytetarët të qëndrojnë në shtëpi dhe të shmangin udhëtimet e panevojshme.
Sipas të dhënave, mbi 11 mijë fluturime janë anuluar, më shumë se 800 mijë familje janë pa energji elektrike, dhe të paktën shtatë persona kanë humbur jetën në shtete të ndryshme për shkak të të ftohtit dhe aksidenteve. Shërbimi Kombëtar i Motit paralajmëron për kushte “kërcënuese për jetën” me borë të dendur, shi të ngrirë dhe akull, ndërsa pothuajse gjysma e shteteve amerikane kanë shpallur gjendje emergjence.
Ekspertët e motit thonë se shkaku kryesor është lëvizja e vorbullës polare, ndërsa disa sugjerojnë se ndryshimet klimatike mund të rrisin frekuencën e ngjarjeve të tilla ekstreme. Moti i rrezikshëm pritet të vazhdojë deri në fillim të shkurtit, duke prekur mbi 180 milionë amerikanë.
