Koha e parashikuar e leximit: 1 minut
15 prill 2025
Kuvendi i Republikës së Kosovës sot mban seancën konstituive pas më shumë se dy muajsh nga mbajtja e zgjedhjeve parlamentare.
Seanca ishte caktuar të nisë në ora 10:00, por që seanca ende nuk ka nisur as pas 40 minutash vonesë.
Të pranishëm në sallë shihen vetëm deputetët e zgjedhur të PDK-së, dhe deputetja Duda Balje.
Kuvendi i Kosovës në rend dite ka formimin e Komisionit të përkohshëm për verifikimin e kuorumit dhe të mandateve të deputetëve, betimin e deputetëve, zgjedhjen e Kryetarit të Kuvendit dhe të nënkryetarëve të Kuvendit
Si parti fituese e zgjedhjeve, Lëvizja Vetëvendosje ka të drejtën të propozojë kryeparlamentarin, i cili zgjidhet me 61 vota.
