Koha e parashikuar e leximit: 1 minut
13 mars 2025
Një burrë ka vdekur dje në Qendrën Klinike dhe Universitare të Kosovës.
Rastin e kanë konfirmuar nga QKUK-ja.
“Po, ai nuk ka qenë duke kryer trajtimin tek ne. Ai ka ardhur dje në Klinikën tonë, domethënë ka përfunduar tek ne dhe pas 2 apo 3 orësh ka ndërruar jetë”, deklaruan nga QKUK.
Burri me inicialet B.B, më 6 mars ishte goditur nga një veturë në magjistralen për Obiliq, konkretisht në fshatin Raskovë.
Në këtë aksident ishin përfshirë dy vetura dhe dy këmbësorë.
Trupi i pajete është dërguar në Institutin e Mjekësisë Ligjore për obduksion dhe janë ndërmarrë të gjitha veprimet e nevojshme nga Policia, në koordinim me Prokurorin e Shtetit.
