Koha e parashikuar e leximit: 1 minut
20 shkurt 2025
Komisioni për Politikë të Jashtme të Parlamentit Evropian, në seancën e sotme paraqiti draft-raportin për situatën në Kosovë i raportuesit për Kosovën në PE, Riho Terras.
Në këtë komision, Terras i bëri thirrje Bashkimit Evropian që masat ndaj Kosovës t’i heq sa më parë që është e mundur.
Poashtu , ai shtoi se këto masa janë të padrejta.
“Unë besoj, dhe e theksoj në raport, se Bashkimi Evropian duhet t’i heq masat ndaj Kosovës, të cilat gjithashtu janë të padrejta. Këto sanksione duhet të hiqen sa më shpejt që është e mundur”, tha Terras.
Ndër të tjera, Terras shprehet optimist që qeveria e re në Kosovë, të rinisë dialogun me Serbinë.
“Shpresojmë se qeveria e ardhshme do të rinisë dialogun me Beogradin në mënyrë që të normalizohen marrëdhëniet”, u shpreh ai.
