Koha e parashikuar e leximit: 1 minut
12 nentor 2025
Agjencia e Ushqimit dhe Veterinarisë (AUV) ka njoftuar se gjatë inspektimeve të kryera në Prizren është konstatuar prania e bakterit Salmonella në një ngarkesë mish pule të importuar nga Rumania.
Sasia e prekur, që arrinte 27.7 kilogramë, u asgjësua menjëherë sipas procedurave ligjore dhe standardeve të sigurisë ushqimore.
AUV ka theksuar se do të vazhdojë monitorimin e situatës me kujdes të shtuar dhe do të bashkëpunojë ngushtë me institucionet vendore, ndërkombëtare dhe bizneset që merren me importin e mishit, për të identifikuar dhe parandaluar raste të ngjashme.
Agjencia gjithashtu siguron publikun se do të informojë në kohë reale për çdo zhvillim të ri në lidhje me këtë rast.
