Koha e parashikuar e leximit: 1 minut
01 maj 2025
Ambasadori i Gjermanisë në Kosovë, John Rohde, ka shprehur shqetësimin e tij në lidhje me vonesat në konstituimin e Kuvendit dhe formimin e qeverisë.
Rohde gjatë takimit me Presidenten Vjosa Osmani tha se ka përmendur zhvillimet globale dhe se formimi i shpejt i institucioneve është e domosdoshëm, transmeton Zeri.info.
Këto komente Rohde i bëri sot në një shkrim, ku njoftoi se ka takuar dje presidenten Vjosa Osmani.
“Në takimin tim me Presidenten e Kosovës, Osmani, shpreha shqetësimin tim në rritje lidhur me vonesat në përfundimin e seancës konstituive të Kuvendit dhe në formimin e qeverisë pas zgjedhjeve. Në një peizazh global që ndryshon me shpejtësi, veprimi i shpejtë është i domosdoshëm – çështjet shtetërore duhet gjithmonë të vijnë përpara politikave partiake”, ka shkruar Rohde në rrjetin social Bluesky.
