Koha e parashikuar e leximit: 1 minut
11 dhjetor 2025
“Democracy Plus” (D+) dhe “Westminster Foundation for Democracy” (WFD) kanë publikuar sot raportin “Kostoja e Politikës në Kosovë”, një studim i cili analizon shpenzimet e kandidatëve për deputetë gjatë zgjedhjeve nacionale të vitit 2025 dhe mënyrën se si këto shpenzime ndikojnë në konkurrencën politike, barazinë e mundësive dhe integritetin e procesit zgjedhor.
Raporti do të prezantohet nga Albert Krasniqi, drejtor i Programeve në Democracy Plus (D+).
Në panelin e diskutimit marrin pjesë edhe:
- Graeme Ramshaw, drejtor për Cilësinë dhe Inovacionin në WFD,
- Valdete Daka, ish-kryetare e Komisionit Qendror të Zgjedhjeve,
- Besnik Tahiri, ish-deputet i Kuvendit të Kosovës.
Ky publikim synon të nxisë debat mbi transparencën financiare në politikë dhe nevojën për rregulla më të qarta që garantojnë zgjedhje të ndershme dhe konkurrencë të barabartë.
