Koha e parashikuar e leximit: 1 minut
07 shkurt 2025
Sot është përuruar nënstacioni policor në Leshak të Leposaviqit
Kryeministri i Kosovës, Albin Kurti, së bashku me ministrin e Punëve të Brendshme, Xhelal Sveçla, drejtorin e Policisë, Gazmend Hoxha, dhe nënkolonelin Veton Elshani, morën pjesë në ceremoninë e përurimit të këtij nënsatcioni.
Siç ka njoftuar Qeveria, ky objekt, i cili është ndërtuar për më pak se pesë muaj, i ka 2300 metra katrorë dhe ka kushtuar afër 782 mijë euro.
“Tri të katërtat është stacioni policor, një e katërta është Agjencioni për Regjistrim Civil, në mënyrë që të ofrojmë edhe më shumë siguri për qytetarët këtu, por edhe më afër shërbimet e domosdoshme për ta”, deklaroi kryeministri.
Ai falënderoi Ministrinë e Punëve të Brendshme, Policinë e Kosovës dhe të gjithë punëtorët e punëkryesit për realizimin e punës në afat kohor të shpejtë, derisa shprehu mirënjohje për mikpritjen nga ana e kryetarit të Komunës së Leposaviqit, Lulzim Hetemi dhe nënkryetarja Marina Bogojeviq.
