Koha e parashikuar e leximit: 1 minut
26 nentoe 2025
Kryetari i Sindikatës së Trafikut Urban në Prishtinë, Ilmi Gashi, shprehu shpresën se mbledhja e jashtëzakonshme e Kuvendit Komunal, e cila do të mbahet nesër, do të ofrojë një zgjidhje për kërkesat e punonjësve për pagat e tyre.
Gashi tha se punonjësit janë mbledhur përmes një proteste pranë objektit të komunës për të kërkuar të drejtën e tyre elementare për pagesë. Ai vlerësoi se mbledhja e nesërme është një hap legjitim drejt zgjidhjes së situatës, por paralajmëroi se nëse nuk arrihet një marrëveshje, greva do të vazhdojë.
“Nëse nuk ka zgjidhje nesër, greva vazhdon deri në alokimin e mjeteve për operatorët. Ne shpresojmë që nesër do të mbarojë dhe që në këtë mbledhje do të mbizotërojë arsyeja,” tha Gashi.
Punonjësit e Trafikut Urban kërkojnë që autoritetet komunale të sigurojnë fondet e nevojshme për pagesat e tyre, duke theksuar se situata aktuale ka krijuar vështirësi të mëdha për stafin dhe shërbimet e transportit urban.
