“Siguria për qytetarët është në nivelin më të lartë. Problemi është që nga paniku i tyre ata po dëshirojnë që të shkaktohet panik edhe te ne me sulme të tilla. Nuk kanë çfarë i bëjnë më Republikës së Kosovës, Policisë së Kosovës, ushtrisë së Kosovës, por natyrisht mund të gjendet një person që hedh një granatë. Ju e keni parë që edhe kabllot nën ujore që po i lidhin vendet nordike me pjesët kontinentale të Evropës po këputen prej dikujt. Edhe vendet e Evropës Perëndimore kanë sfida të tilla. Neve na duhet solidaritet. Neve na duhet përkushtim. Neve na duhet atdhe dashuri për Republikën e Kosovës.” ka shtuar kryeministri i Kosovës z.Albin Kurti.
