Koha e parashikuar e leximit: 2 minuta
10 shkurt 2025
Teatri i Operës dhe Baletit të Republikës së Kosovës po bëhet.
Minsitria e Kulturës, Rinisë dhe Sportit ka nënshkruar kontratë me kompaninë e dizajnit dhe arkitekturës Alb-Architect, për fillimin e punëve për ndërtimin e Sallës së Operës, teatrit dhe baletit.
Sipas kompanise Alb-Architect , teatri do të strehojë katër salla shfaqjesh dhe një shesh të ri publik. Duke simbolizuar trashëgiminë e pasur dhe të larmishme kulturore të vendit, ajo do të jetë teatri i parë i operës në Republikën e Kosovës, që pasqyron një identitet të ri për Prishtinën me rrënjë në krijimtarinë dhe përkushtimin për rritjen artistike të vendit. Teatri do të vendoset pranë Pallatit të Rinisë dhe Sporteve, Stadiumit Fadil Vokrri dhe Ministrisë së Shërbimeve Publike, duke kontribuar në një korridor të ri kulturor dinamik në zemër të qytetit.“Ne jemi thellësisht të nderuar që na është besuar dizajni i shtëpisë së re për artet performuese në një vend që i ka dhuruar botës një ndikim të jashtëzakonshëm kulturor në artet performuese. Dizajni ynë për Teatrin e Operas dhe Baletit të Kosovës është projektuar si një fabrikë efikase për fabrikimin e shfaqjeve artistike. Bërthama racionale është e mbështjellë në një tendë të vazhdueshme, duke krijuar një hapësirë publike tërheqëse të hapur në të gjitha drejtimet. Çatia e valëzuar krijon një gjest të rrjedhshëm dhe tërheqës që evokon Xhubletën, veshjen tradicionale kombëtare të Kosovës.” – Bjarke Ingels, Themelues dhe Drejtor Kreativ, BIG.
