Koha e parashikuar e leximit: 1 minut
Kandidati i PDK-së për kryeministër, Bedri Hamza, ka zhvilluar sot një takim me ambasadorin e Zvicrës në Kosovë, Jürg Sprecher.
Hamza ka treguar marrëdhëniet e ngushta mes Kosovës dhe Zvicrës dhe rolin e kësaj të fundit në përkrahjen e vendit në çdo etapë të zhvillimit.
“Në çdo fushë të jetës sociale dhe ekonomike, si në të kaluarën, ashtu edhe sot, Zvicra i ka dhënë gjithnjë përkrahje Kosovës”, shkruan Hamza në Facebook.
Ai poashtu theksoi përkushtimin e Kosovës për të ndërtuar një të ardhme më të qëndrueshme dhe të përqendruar në integrimet euroatlantike.
“Kosova është e përkushtuar të ndërtojë paqe të qëndrueshme dhe të ecë përpara në rrugën e integrimeve euroatlantike”, shtoi ai.
