Koha e parashikuar e leximit: 1 minut
07 mars 2025
Policia Kufitare dhe Dogana e Kosovës ka gjetur 15 mijë euro të padeklaruara gjatë një kontrolle në një veturë me targa të Bosnje e Hercegovinës në pikëkalimin kufitar në Bërnjak, që drejtohej nga një shtetas i Bosnje e Hercegovinës.
Në raportin e Policisë thuhet se mjetet financiare të padeklaruara janë sekuestruar dhe se do të trajtohen sipas legjislacionit në fuqi nga Dogana e Kosovës në procedurë të mëtejme doganore.
“Policia e Kosovës, në bashkëpunim dhe koordinim me institucionet e RKS-së, do të vazhdojë me angazhimin e saj për parandalimin e aktiviteteve të paligjshme”, thuhet në njoftim.
