Koha e parashikuar e leximit: 1 minut
23 dhjetor 2025
Një aksident trafiku është regjistruar sot në rrugën “Brigada 123” në Suharekë, ku janë përfshirë dy automjete.
Policia e Kosovës ka konfirmuar për mediat se si pasojë e aksidentit një person ka pësuar lëndime trupore dhe është transportuar menjëherë në Emergjencë për trajtim mjekësor.
Sipas njoftimit zyrtar, rasti është raportuar rreth orës 13:40, ndërsa njësitet policore kanë dalë në vendin e ngjarjes menjëherë pas marrjes së informacionit. Policia ka siguruar zonën dhe ka nisur veprimet hetimore për të zbardhur rrethanat që çuan në aksident.
Hetimet lidhur me rastin janë në vazhdim.
