Koha e parashikuar e leximit: 1 minut
05 maj 2025
Për të njëmbëdhjetën herë, ka dështuar konstituimi i Kuvendit të Kosovë.
Ndërkaq për herë të tretë ka dështuar formimi i komisionit për votim të fshehtë për kryetarin e Kuvendit të Kosovës.
Kanë qenë vetëm 56 për, 1 kundër, ndërsa abstenime nuk pati.
“Seanca ndërpritet, më 7 maj shihemi përsëri në orën 10:00”, tha kryesuesi i seancës, Avni Dehari.
Deri më tani deputetët kanë kaluar vetëm dy pika të agjendës së seancës konstituive: raportin e Komisionit të përkohshëm për verifikimin e mandateve dhe atë të betimit të deputetëve.
Por procesi ka ngecur te pika e tretë: zgjedhja e kryeparlamentarit.
Propozimi për kryeparlamentar është e drejtë ekskluzive e fitueses së zgjedhjeve, Lëvizjes Vetëvendosje (LVV), por në gjashtë votime, kandidatja e saj, Albulena Haxhiu, nuk ka arritur t’i marrë votat e nevojshme, përkatësisht 61.
