Koha e parashikuar e leximit: 2 minuta
Përditësimi i fundit më June 5th, 2025 në 12:27 pm
05 qershor 2025
Drejtori ekzekutiv i Kompanisë për menaxhimin e mbeturinave, Dardan Velija, ka thënë se e vetmja deponi me impiant për trajtimin e ujërave të zeza në Kosovë gjendet në Zveçan. Por, siç ka theksuar ai, kjo nuk është ende në funksion e se shkak për këtë kanë qenë pengesat politike
Drejtori ekzekutiv i Kompanisë për menaxhimin e mbeturinave, Dardan Velija, ka thënë se e vetmja deponi me impiant për trajtimin e ujërave të zeza në Kosovë gjendet në Zveçan. Por, siç ka theksuar ai, kjo nuk është ende në funksion e se shkak për këtë kanë qenë pengesat politike.
Velija është shprehur se problemi më i madh i deponive janë ujërat e zeza.
“E vetmja deponi që ka impiant për trajtimin e ujërave të zeza është deponia e Zveçanit e cila është ndërtuar para disa vitesh nga BE-ja, por nuk është ende në funksion për arsye politike. Plani është që kjo deponi të vijë nën menaxhimin tonë së shpejti dhe do jetë deponia e vetme në vend që i plotëson kriteret dhe standardin bashkëkohor për trajtimin e ujërave të zeza”, ka thënë ai në “Konfront.
